الأحد، 31 أغسطس، 2008

وانتم زعتري الاخضر


واحد غبي : ايش بدك تابعي بـ رمضان ؟
watan : بدي أتابع حياتي !
الواحد الغبي نفسه: لأ قصدت مسلسلات او هيك برامج غريبة او اشي ؟
watan: ليش بدك أغرب من هيك مسلسل؟؟!!
_
رمضان .. فرصة ،عبادة ، راحة ، وحرية اشتقتها كثيرا وانتظرها اكثر وها هي تدق بابي ،
بصدق: غبيٌ بجدارة من يفوّتها ليغرق في الضجيج ، بدل ان يذوب في داخله حيث الهدوء وتنهيدة حرية
اصدقائي... و اكثر
كل عام وانتم احلامكم ... وانتم زعتري الاخضر
_
أعلم أني مقصرة كثيرا هذه الايام ؛ ادين لكم بموضوع عن تشييع محمود درويش ( مع صور حقيقية هذه المرة :D) وعدة مواضيع لـ تغطية المهرجان ومواضيع اخرى تحدق بي كلما فتحت دفاتري ... وسأفي بديني ،
عندما يخف هذا الازدحام برأسي ربما
اراكم
ظلوا بخير

هناك 11 تعليقًا:

Death artist يقول...

you too take care
I am just wondering, didn't that guy just quit when he heard your answer :S, we palestinians love to talk alot :P

victory way يقول...

وكل عام وانت بخير ايضاً ,,

عساكــ من عواده

العبيط يقول...

العبيط بيحكي مع شخص ما

العبيط : ما بيلحق رمضان يبدى الا و هو مخلص.

شخص ما : ان شاء الله

LOL
و بعدين اتضحلي انو هادا الشخص الما ما بيحب رمضان لأسباب اقتصادية بحتة؟

و الناس امبارح هجمت على المولات زي كأنهم تفاجؤو برمضان

و كل عام و انتم بخير
و طن ، انا هالايام مستنفر في كتير شغلات بدي احكي فيها و رح تحسو اني الشريك المخالف فاعذروني

لاجئ الى متى يقول...

على سيرة الزعتر
ذكرتيني بشي كثير غالي علي
وأكيد اله علاقة بالزعتر
..
فيما مضى

هاد يا وطن كانت امي وجاراتنا يعقدن على باب الدار
وفي عنا بالحاكورة زعتر اخضر بيشهي
فمحسوبك ولا يمشي معي اليوم الا لما أدحش حالي بالنص مع حبة بندورة وخبزة وبجد آآكل ازكى شي بوقتها


الآن

راح زمان
وراحت امي وراحو جاراتنا
وراح الزعتر
وضليت انا والحاكورة
على أمل ..

......................

صدقت . شخصيا سأغوص في ثناياه
التي لن تتكرر

..

اما بالنسبة للوعود المتراكمة
فالعاصفة من قبلك وعدتنا بالكثير
في الانتظار
بس بجد لما يخف ازدحام الدفتر والقلم
خذي وقتك بكل شي
وعلى مهلك
على مهلكـ
على مهلـ
على مهـ
على مـ

سـ ـــلا م

watan يقول...

death artist

هههه لأ ما سكت ، حكالي ما بتتغيري .. مجنونة!!


:D

watan يقول...

victory way

يبعتلك الهنا ياااا رب
ويعيده عليك وانت محقق احلامك


_
ملاحظة : كركبتني بتغيير هالاسم ، مرة جاي زغرد بالاول .. بس حلو ، يلا مبروك تغيير الاسم

اراك غدا

watan يقول...

العبيط

" و طن ، انا هالايام مستنفر في كتير شغلات بدي احكي فيها و رح تحسو اني الشريك المخالف فاعذروني"

هههههههههه ع اساس طول عمرك الشريك الموافق يعني ، اصلا طول عمرك معارضة ومشان هالسبب بالذات بحب افوت ع مدونتك

بالنسبة للموقفين عااااااااااادي ، انت ايش بدك بالناس لهم رمضانهم ولنا رمضاننا
وبالمناسبة رمضان كريم رفيقنا المخالف

بانتظار كل مقالاتك المستنفرة

watan يقول...

لاااجئ الى متى :) :)

وانا عم اقرأ قصة الزعتر ابتسمت ، يمكن تأثير الصورة الي انرسمت ببالي بكل تفاصيلها ، صوتهن الدافئ وتجاعيد الوجوه ، ريحة الزعتر ، ولد شقي بشعر مفلفل ، بندورة حمرا مأكول منها قضمة

كان وقفت القصة هون وظلت هالبنت بالارض البعيدة-القريبة مبتسمة
بس القصة كملت لصورة حاكورة وشب واقف جنبها لحاله ... غصة ، وأمل
لأنو شب + حاكورة .. بيعملوا اشياء كثيرة وحلوة

ذكرتني بالزعتر الاخضر والبندورة ... فعلا ازكى اكل بالدنيا ( شرطك الزعتر ما يكون مغسول بحبه بغبراته هههههه)

:::

احلى شي الواحد يغوص بثنايا هالشعر ويتمتع بكل اشي فيه ، حتى الجوع اله طعم تاني

:::

بالنسبة للوعود ،
تشبيهيك الموضوع وربطه بقصيدة محمود درويش خلا مخي يستحي ع دمه ويفضى شوي ، بالاضافة لتأثير هدوء وراحة رمضان

اوعكم اوعكم تخلوني اصير متل عاصفتنا الكريمة، لشو اسمكم رفاق درب واصدقاء ؟


__

لاجئ

كون بخير دايما ... لنكون
(z)

CًٍHًٍE يقول...

المسلسل حلو شكلو

بس انا اشطر منك ...

كل يوم بتابعلي مسلسل في هالحياة التافهة

//

che

Anastácio Soberbo يقول...

Hello, I like this blog.
Sorry not write more, but my English is not good.
A hug from Portugal


مرحبا ، انا احب بلوق.
فقط أكتب ما يمكن ان يترجم.
أ الحضنه من البرتغال

watan يقول...

che ..

هههههه قال شكله ، كيف لو انك مش متابعه عن قرب ؟
بعدين تلفزيونكم بسلم عليك وبيقلك : حل عني منشااان الله ..
و انا بسلم عليك وبقلك ... ع دراستك يا خالتوو

Anastácio Soberbo

thanks any way
:)