الخميس، 8 يناير 2009

نقاش ديقراطي / الجزء السادس


- وطن ، وطن .. انتي " مثقفة" وفهمانة تعالي شوي
- يا ساتر !
- هسا ع الانترنت في ناس من غزة؟
- اه؟
- طب هسا شو بيقولوا عن الي عملتوا حماس؟
- الي عملته حماس؟!
- يعني متذايقين شي من الي بصير ؟
- ايوووة ، من الي بصير؟ متضايقين ؟ .. لأ من هاي الناحية اتطمنوا وارتاحوا : مبسوطين ومرتاحين وبدهم سلامتكو !!
____
قال حدا منكم " متضايق " شي ؟ .. !
___

(1) ، (2) ، (3) ، (4) ، (5) و.. هنا و هنا

هناك 8 تعليقات:

حروش يقول...

انا ما فهمتش ، انتي مع والا ضد و الا شو بالزبط

watan يقول...

اهلين شريكي المخالف

والله يا صديقي معك حق ما تفهمش ، اصلا انا لحد هسا مش شايفة انو الشغلة فيها مع وضد ..

مع شو ولا ضد شو؟


اما "والا ش بالزبط"

فهاد نقل حرفي لحوار صار معي بلحظتها .. والكم التأويل والاستنتاج :)

غير معرف يقول...

مرحبا وطن انا المنفي بعلق عندك عن طريق الموبايل الكهربا قاطعة ومافي نت وعلى ضو الشموع صرنا نعد شهدا وايام و نستنى شي مش عارفين امتا راح يجي

محمد العيسة يقول...

سعاد ماسي ,, كل الاحترام .

1- كل عام وانت بخير .
2- وين حرف الميم بالعنوان .
3-تصبحي على خير .

غير معرف يقول...

المواطنة وطن .. تحية الوطن وبعد ،،

إذا كان نقاشكِ السادس تحت مُسمى ديمقراطي ، فلا نتحتاج لتأويله ..

فهو نقاش حول جريمة قد تكون في يوم من الأيام إنجاز من الإنجازات التي تُحقق على حساب ما يُسمى الشعب / المدنيين .


وإن شاء الله يكون إنجاز .. وننسى أيام الحزاز ،

حزاز من ذواتنا التي حزتها ما يدعوا بأنها ديمقراطية لصالح الشعوب .

watan يقول...

المنفي..

سررت جدا انك بخير- رغم كل شيء بخير .. اكتب ، نحتاج كلماتك ، ونحتاج ان نقهر هذا الصمت !

العتمة عنا اشد .. منعوا الشموع

كون بخير

watan يقول...

الحلونجي اسماعيل :-

هسا ميشيل هارت .. بيستحق الاحترام برضو

1. وانت بخير .. بمناسبة شو؟
2. ضاع بالركام .. اول ما شفت تعليقك قمت اروح ازبطه .. وبعدين قلت لليش ؟ بس الاقي قلبي/ اشيائي/ وقتي / قلمي/ كراكيبي / وجهي / اسمي/ تفاصيلي الضائعة بروح بدور ع حرف الميم
3.وانت من اهله .. ما اظن انام - الليلة هاي كمان

-
لو بعرف كل مرة بحطلك سعاد الماسي وبنسى ميم او ميمتين

:)

watan يقول...

نبيل قديح..

قديح برضو :)

لن يكون شيئا حتى نقرر ان نكون .. لا احد سوانا سيفعلها ، لذا لا احد سوانا يستحق اللوم

شكرا على مرورك
و

اسمك عظيم .. حافظ عليه