الجمعة، 3 أكتوبر 2008

نقاش ديموقراطي / الجزء الثاني


الزمان : يوم العيد

الشخوص: نفسهم نفسهم لا راحوا ولا اجوا

_ يييييييي شو هاد اللي لابسه ؟؟!!

_ شفتي ؟ شفتي ؟ لابس خريطة فلسطين

_ ما أنا فاهمة انك لابس خريطة فلسطين ، بس شايفك لابسها كلها ... شو صارلك ؟؟ مهي مش ألنا !، هاي دولة شعب ثانين !!، مش حرام عليك ! .. يلا يلا بسرعة ع داركم غيرها قبل ما يشوفك ويزعلوا ويحكوا عنك مش منطقي ، بسررررررعة روّح غيرها والبس خريطة الضفة وغزة ، ولا لأيش غزة ألبس خريطة الضفة لحالها ... يلا يلا عمو قبل ما تعرقل عملية السلام !!!


الجزء الاول مش بعيد من هون لاقوه من حالكم :D



في اطار التغطية...


سبسطية - نابلس / جنود اسرائيليون يوقفون عددا من المواطنين اثناء عودتهم من اراضيهم ويسرقون ( يصادرون باللغة الاعلامية " المؤدبة!" ) محاصيلهم من الزيتون .

في اطار التغطية ...

قلقيلية / مستوطنون يوقفون السير في احد الطرق الرئيسية المؤدية الى قلقيلة ويقومون بالاعتداء على المواطنين وتكسير سياراتهم تحت غطاء حماية يؤمنه لهم الجيش الاسرائيلي .

هناك 13 تعليقًا:

غير معرف يقول...

طيب لا تفرحي كثير بالضفة يا وطن ، قال غزة لأ والضفة آه ، أصلا هيّاتهم بيحكوا " بعض أجزاء من الضفة الغربية " ، يعني .. يجيب مقص ويقصقص أطرافها ويعمل كم فتحة بالبلوزة .. يقطعها مثل ما الضفة مقطعة!

هيك برضى أنا
وبعدها يجي يعيّد مافي مشكلة
:)

لاجئ الى متى يقول...

وطن العزيزة
اللي بدو يحمل مجسم لخارطة
اولا لازم يكون مقتنع فيها
بكمالها وجمالها
هلأ .. بالنسبة للوضع السياسي
سيستمر في التقلب على نار هادئة
رغما عن أنوف الجميع
هذا ليس بسبب الضعف لا لا
بل بسبب بقاء بعض الطناجر على المنابر

...

خارطة فلسطين كشروق الشمس
قد يوحى لمن يراقب ما يوحى
.. لكنهاواحدة
مش كلام منابر ولا كلام من وراء شاشة
بالعكس هاد كلام زمان كان حقه دم
.. هلا ببلاش

هناك العشرات من السطور
لكن سأكتبها في إطار عنوان آخر غير هذا

غير معرف يقول...

حاولت اكتب وكتبت كثير بس ما في شي وصل اللي بدي احكيلك اياه بس انا متاكدة انك رح تعرفي شو كنت بدي احكي
مش هيك عروبة
على الهامش : اعملت اللي بدي اياه وطيرت مدونتي

watan يقول...

متشرد


تحرك الدم الغزاوي

ع فكرة هو عقد او سنسال وفي رواية اخرى سلسال

هو اذا بدك الحق ما يلبس اشي من الاصل لأنوا ع طريقته ما رح يظل اشي نلبسه !!

watan يقول...

لاجئ ..

اللي بدو يحمل مجسم فلسطين وهو مش مستعد يحملها جواته بدي اقبره اريح النا ولهالفلسطين الي بدهم يعملوها موضة اخر الزمان


سيستمر بالتقلب على نار هادئة...

لأنوا الحطب بعده مبلول !


__

خارطة فلسطين
يااااااه .. مشان هيك تنرفزت بس شفتها ع رقبته
نقية ، وبغاية الجمال

في واحد علمني من فترة مش بعيدة انو الحكي لسا حقه دم :)

هو نفسه الي رح يخلينا ننتظر سطوره وعناوينه


كون بخير

watan يقول...

صمود


طبعا رح اعرف شو بدك تحكي وحركات وجهك وايديكِ ( وبعرف اني لازم اكون متر ونص بعيدة عنك ع الاقل بلا ما تصيبني رصاصة شاردة)
لأيش اسمنا صديقات يعني


وبعدين طيرتيها ريتو ربنا وين يروح فيكِ

بكرة بشوفك .. وين رح تهربي يعني

لاجئ الى متى يقول...

تغطية مميزة

عاشق من فلسطين يقول...

....... :(

Unknown يقول...

شكراااااااااااااااااااااااااااااااا
يا وطن من شباك غرفتي لسبسطية
ومن هلاء لبعد بكرة
على الاغنية الحلوة لسميح
اول مرة بسمعها
وحسيت اني صارلي زمان ما سمعت لسميح
بس هالمرة غير
شكرا وطن

نسيـــــــان يقول...

الله بيعين

حزيــــــــــــــــــن يقول...

كيف حالك يا وطن
---
من اعماق قلبى اتمنى ان تصير الخريطة كامله كما كانت
احمد مهنى
من مصر

د. المطالع بن الكتاب يقول...

السلام عليكم
تمت اضافتكم الى اورطى مدونة زيتونتنا لدعم مدوني فلسطين 48

تقدم زيتونتنا لكم الدعم التقني و الترويج لمدوناتكم

بالمقابل نرجو منكم بوضع صورة رابط لزيتونتنا في مدوناتكم

زيتونتنا
zaytonatona.blogspot.com

watan يقول...

لاجئ الى متى

هينا بنتعلم
ومنكم نستفيد


عاشق من فلسطين

وبامكانك تبتسم وتشمر ايديك وهيك الطريق بتقصر




المنفي :


ولو
ابتساماتكم احلى هدية واحسن من اي شكرا


نسيان
ان الله لا يغير ما في قوم حتى يغيروا ما في انفسهم

حزين
تمام ، كيفك انت؟

كاملة وعمرها ما رح تتجزأ

سلملي ع مصر



فوضى عارمة

شكرا ع اللفتة اللطيفة